త్వరలో ప్రభుత్వ బడుల్లో ఉచిత అల్పాహార పథకం

 

హైదరాబాద్ వార్త నేత్రం ప్రతినిధి:

 తెలంగాణలోని ప్రభుత్వ పాఠశాలల విద్యార్థులకు పౌష్టికాహారాన్ని అందించే లక్ష్యంతో రూపొందిస్తున్న ఉచిత అల్పాహార పథకం (Breakfast Scheme) పనులను ముఖ్యమంత్రి రేవంత్ రెడ్డి వేగవంతం చేశారు. రాబోయే డిసెంబర్ 9వ తేదీన రాష్ట్రవ్యాప్తంగా ఈ పథకాన్ని ఘనంగా ప్రారంభించేందుకు వీలుగా నవంబర్ 30 నాటికి అన్ని రకాల ఏర్పాట్లను పూర్తి చేయాలని సంబంధిత అధికారులను సీఎం స్పష్టంగా ఆదేశించారు. ఈ బృహత్తర పథకంలో భాగంగా అత్యాధునిక సెంట్రలైజ్డ్ కమ్యూనిటీ కిచెన్ల ఏర్పాటుకు సంబంధించిన ఒప్పందాలు సీఎం సమక్షంలో జరిగాయి.