గ్రాడ్యుయేట్ ఎమ్మెల్సీ ఎన్నికలకు కాంగ్రెస్ అభ్యర్థులు వీరే..

-






 తెలంగాణలో త్వరలో జరగనున్న గ్రాడ్యుయేట్ ఎమ్మెల్సీ ఎన్నికలకు కాంగ్రెస్‌ పార్టీ సామ రామ్మోహన్‌ రెడ్డి, రాంరెడ్డి సర్వోత్తమ్‌ రెడ్డిలను తమ అభ్యర్థులను ప్రకటించింది.


హైదరాబాద్ వార్త నేత్రం ప్రతినిధి :

 తెలంగాణలో మరోసారి ఎన్నికలు వస్తున్నాయి. అయితే ఈసారి జరిగేది రెగ్యూలర్ పోలింగ్ కాదు, గ్రాడ్యుయేట్ ఎమ్మెల్సీ ఎన్నికలు. ఇవి చదువుకున్న వారు, మేధావులు ప్రభుత్వ పాలనకు ఇచ్చే తీర్పులాంటివని ఈ ఎన్నికల గురించి చెబుతారు. తెలంగాణ శాసనమండలికి త్వరలో జరగనున్న గ్రాడ్యుయేట్ ఎమ్మెల్సీ ఎన్నికలకు కాంగ్రెస్‌ పార్టీ తమ అభ్యర్థులను ఖరారు చేసింది. ఉమ్మడి మహబూబ్‌నగర్‌– రంగారెడ్డి– హైదరాబాద్‌‌ పట్టభద్రుల నియోజకవర్గానికి సామ రామ్మోహన్‌ రెడ్డిని, ఉమ్మడి వరంగల్‌– ఖమ్మం– నల్లగొండ గ్రాడ్యుయేట్ ఎమ్మెల్సీ స్థానానికి రాంరెడ్డి సర్వోత్తమ్‌ రెడ్డిలను కాంగ్రెస్ అధిష్టానం ఎంపిక చేసింది. రేవంత్ రెడ్డి ఢిల్లీ పర్యటనకు వెళ్లిన సమయంలోనే ఈ జాబితా విడుదలైంది. ఈ ఎంపికకు ఏఐసీసీ అధ్యక్షుడు మల్లికార్జున ఖర్గే ఆమోదం తెలిపిన అనంతరం, ఏఐసీసీ ప్రధాన కార్యదర్శి కేసీ వేణుగోపాల్‌‌ ఢిల్లీలోని కేంద్ర కార్యాలయం నుంచి అధికారిక ప్రకటన విడుదల చేశారు.ఉమ్మడి మహబూబ్‌నగర్‌– రంగారెడ్డి– హైదరాబాద్‌ స్థానానికి ఎంపికైన సామ రాం మోహన్‌ రెడ్డి రంగారెడ్డి జిల్లా చెందిన వారు. ఆయన ప్రస్తుతం టీపీసీసీ మీడియా, కమ్యూనికేషన్‌ ఛైర్మన్‌గా పనిచేస్తున్నారు. పార్టీ ముఖ్య అధికార ప్రతినిధిగా సైతం బాధ్యతలు నిర్వర్తిస్తున్నారని తెలిసిందే. గతంలో రంగారెడ్డి జిల్లా ప్రధాన కార్యదర్శిగా, యూత్‌ కాంగ్రెస్‌ ఉపాధ్యక్షుడిగా, జాతీయ అధికార ప్రతినిధిగా చేశారు. అలాగే 2017లో కాంగ్రెస్ లీగల్‌ సెల్‌ ఉపాధ్యక్షుడిగా, 2019లో పార్టీ అధికార ప్రతినిధిగా కీలక బాధ్యతలు నిర్వహించారు.ఉమ్మడి వరంగల్‌– ఖమ్మం– నల్లగొండ పట్టభద్రుల స్థానానికి అభ్యర్థిగా కాంగ్రెస్ పార్టీ ప్రకటించిన రాంరెడ్డి సర్వోత్తమ్‌ రెడ్డి సూర్యాపేట జిల్లాకు చెందినవారు. ఈయన మాజీ మంత్రి రాంరెడ్డి దామోదర్‌ రెడ్డి కుమారుడు అని తెలిసిందే. యూత్‌ కాంగ్రెస్‌ రాజకీయాల్లో ఎంతో చురుగ్గా వ్యవహరించేవారు సర్వోత్తమ్‌ రెడ్డి. అదే విధంగా నల్లగొండ జిల్లాలో పార్టీ కోసం కృషి చేస్తున్నారని గుర్తించిన కాంగ్రెస్ అధిష్టానం ఆయనకు గ్రాడ్యుయేట్ ఎమ్మెల్సీ అభ్యర్థిగా ఛాన్స్ ఇచ్చింది. ఏఐసీసీ సభ్యుడిగా ఉన్న ఆయన యూత్‌ కాంగ్రెస్‌లో పలు విభిన్న హోదాల్లో పార్టీకి సేవలు అందించారు. 

Comments

Post a Comment

Popular posts from this blog

విమాన ప్రమాదంలో డిప్యూటీ సీఎం మృతి!

-
Image
వార్త నేత్రం : న్యూస్ ప్రతినిధి హైదరాబాద్:జనవరి 28 మహారాష్ట్రలో ఘోర విమాన ప్రమాదం చోటుచేసుకుంది,ఆ రాష్ట్ర ఉప ముఖ్యమంత్రి, సీనియర్ రాజకీయ నేత అజిత్ పవార్ (66) విమా న ప్రమాదంలో కన్నుమూ శారు. బుధవారం ఉదయం బారామతి విమానాశ్రయం లో ల్యాండింగ్ సమయం లో ఆయన ప్రయాణిస్తున్న విమానం ఒక్కసారిగా కుప్పకూలిపోయింది.  ఈ ప్రమాదంలో అజిత్ పవార్‌తో పాటు విమానం లో ఉన్న మరో నలుగురు కూడా ప్రాణాలు కోల్పోయా రు. ఇందులో ఇద్దరు అజిత్ పవార్ వ్యక్తిగత సిబ్బంది కాగా, మరో ఇద్దరు పైలెట్లు ఉన్నారు. అయితే డీజీసీఏనే ఈ విషయాన్ని అధికారికంగా ప్రకటించింది. ఈ హఠాత్ప రిణామంతో దేశవ్యాప్తంగా ఉన్న ప్రజలంతా తీవ్ర దిగ్భ్రాంతికి గురయ్యారు. ముంబయి నుంచి తన సొంత నియోజకవర్గమైన బారామతికి అజిత్ పవార్ ఈరోజు ఉదయమే బయలుదేరారు. అక్కడ ఉదయం 10 గంటల నుంచి రాత్రి 7 గంటల వరకు వరుసగా మూడు ఎన్నికల ప్రచార సభల్లో ఆయన పాల్గొనాల్సి ఉంది. అయితే విమానం బారామతి రన్‌వేపై ల్యాండ్ కావడానికి ప్రయత్నిస్తున్న తరుణంలో.. సరిగ్గా 8.45 గంటలకు ఈ ఘోర ప్రమా దం జరిగింది. విమానం అదుపు తప్పి నేలపై కుప్ప కూలడంతో ఒక్కసారిగా మంటలు చెలరేగాయి.  ఈక్రమంలోనే వి...
Read more

తియ్యని విషం ..!

-
Image
  . స్వీట్లలో హానికర రసాయనాలు – రంగులు . ఎఫ్‌.ఎస్‌.ఎస్‌.ఏ‌.ఐ ఆదేశాలు బేఖాతరు . పట్టించుకోని అధికారులు – ప్రజల ఆరోగ్యంతో చెలగాటం  వార్త నేత్రం  ప్రతినిది ఆదిలాబాద్ :  ఇంట్లో పండుగలు, శుభకార్యాలు, వేడుకలు ఏవైనా సరే  ప్రజలు తమ ఆనందాన్ని స్వీట్లతో  పంచుకుంటారు. అయితే ఇప్పుడు ఆ స్వీట్లు మన ఆరోగ్యానికే   ముప్పు తెస్తున్నాయి.  ఆకర్షణీయంగా కనిపించేందుకు కొంతమంది వ్యాపారులు విషపూరిత రంగులు, హానికర  రసాయనాలు కలిపి స్వీట్లు తయారు చేస్తున్నారు. పండగల సీజన్‌లో  అమ్మకాలు విపరీతంగా పెరుగుతాయి. ఎక్కువ లాభాల కోసం వ్యాపారులు నాసిరకం నూనెలు,  నెయ్యి వంటివి అధికంగా వినియోగిస్తున్నారు. వ్యాపారుల అత్యాశ వల్ల ప్రజలు అనేక రకాల రోగాల  బారిన పడుతున్నారు. ఒకప్పుడు పట్టణాలకే పరిమితమైన స్వీట్ షాప్‌లు ఇప్పుడు మండలాలు,  గ్రామాలకూ విస్తరించాయి.అంటే ఈ వ్యాపారం ఏ స్థాయిలో జరుగుతుందో అర్దం చేసుకోవచ్చు  పండగల సీజన్‌లో  కిలోల కొద్దీ కాదు, టన్నుల కొద్దీ అమ్మకాలు జరుగుతున్నాయి. వీటి పై  అధికారుల పర్యవేక్షణ లేకపోవడంతో వ్యాపారులు తమ ఇష్టానుసా...
Read more

బిజెపిలో చేరిన మసాలా గ్రామస్తులు ...

-
Image
 మసాలా గ్రామ అభివృద్ధికి నా వంతు కృషి చేస్తా అందరి ఆశీర్వాదంతో నేను ఎమ్మెల్యే అయ్యాను బిజెపిలో చేరిన మసాలా గ్రామస్తులు ...  అదిలాబాద్ వార్త నేత్రం : బేల మండలంలోని మసాలా గ్రామ అభివృద్ధికి తన వంతు కృషి చేస్తానని.. అందరి ఆశీర్వాదంతో నేను ఎమ్మెల్యే అయ్యానని.. ఇందుకు మసాలా గ్రామ ప్రజలు ఎంతో మద్దతు ఇచ్చారని ఆదిలాబాద్ ఎమ్మెల్యే పాయల్ శంకర్ అన్నారు.  మసాలా గ్రామ మాజీ సర్పంచ్  ప్రజలు ఎమ్మెల్యే పాయల్ శంకర్ ఆద్వర్యం లో  బిజెపి పార్టీలో చేరారు. పార్టీలో చేరిన వారికి బిజెపి కండువా కప్పి స్వాగతం పలికారు. ఈ సందర్భంగా ఎమ్మెల్యే మాట్లాడుతూ... ఎన్నికల సమయంలో శంకరన్న ని  వెంట మేముంటామంటూ ఆనాడు ధైర్యం ఇచ్చారని గుర్తు చేశారు ఇచ్చిన మాట ప్రకారం గానే గ్రామ ప్రజలు ఎమ్మెల్యేగా గెలిపించుకున్నారన్నారు. ఇచ్చిన మాట ప్రకారంగానే మసాలా గ్రామ అభివృద్ధికి తన వంతు సహాయ సహకారాలతో పాటు అన్ని విధాలుగా అండగా ఉంటానని భరోసా కల్పించారు. గత పది ఏళ్ళు కాలంలో టిఆర్ఎస్ పార్టీ అధికారంలో ఉండేనని ప్రస్తుతం కాంగ్రెస్ పార్టీ అధికారంలో ఉందన్నారు. గతంలో టిఆర్ఎస్ పార్టీ ఎన్నికల ముందు ఒక మాట ఎన్నికల అయిన తర్వాత...
Read more